Даъвати ҷавонон ба тарзи ҳаёти солим

Роғун, 12.01.2016.(АМИТ «Ховар»).- Тавре ки раиси ҷамоати Қади Оби шаҳри Роғун Изатулло Фозилов иттилоъ дод, дар ҷамоат вохӯрии раиси дастгоҳи шаҳр Роҳатшо Исроилов дар якҷоягӣ бо намояндагони мақомоти ҳифзи ҳуқуқ, суд, прокуратура, бахши ҷавонон, варзиш ва сайёҳии шаҳр баргузор гардид. Мақсад аз баргузории чунин вохӯрӣ пешгирии гаравиши ҷавонон ба ҳизбҳои сиёсии террористӣ ва экстремистӣ буд.
Ҳамчунин номбурда афзуд, ки дар ҷаласа раисони маҳаллаҳо, роҳбарони мактабҳои ҳудуди ҷамоат ва намояндагони кумитаҳои дин иштирок намуда, аз ҷавонон даъват намуданд, ки тарзи ҳаёти солимро пеш гиранд.