Фаъолияти донишгоҳ баъди дарёфти паёми таҳдидомез боздошта шуд

Душанбе, 25.01.2016.(АМИТ «Ховар»).-Фаъолияти Донишгоҳи шаҳри Эребруи Шветсия баъд аз дарёфти паёми таҳдидомез муваққатан қатъ карда шуд. Тавре хабаргузории ТАСС бо такя ба маълумоти Хадамоти бехатарии донишгоҳи мазкур навиштааст: имрӯз ин муассисаи таълимӣ аз фаъолият боздошта шуда, донишҷӯён аз дарсҳо озод гардидаанд. Тавре ки манбаъ хабар медиҳад, дар паёми таҳдидомез навишта шудааст, ки: «Агар Шумо рӯзи душанбе ба дарс биёед, пас ин бо фоҷеа меанҷомад». Баъди дарёфти ин паёми таҳдидомез роҳбарияти донишгоҳ дар якҷоягӣ бо мақомоти полис ба хулосае омаданд, ки имрӯз машғулиятҳои дарсиро баргузор нанамоянд. Ба гуфтаи роҳбарияти донишгоҳ: «Мо наметавонем ҳаёти донишҷӯён, устодон, кормандон ва ашхоси ба донишгоҳ меомадаро зери хатар гузорем».
Хотиррасон мешавем, ки донишгоҳи шаҳри Эребруи Шветсия 17 ҳазор донишҷӯ ва 12 ҳазор омӯзгору корманд дорад. Имрӯз бинои донишгоҳ ва атрофи он пурра таҳти назорати неруҳои амниятӣ ва мақомоти полис қарор доранд.