Франсуа Олланд дар масҷиди ҷомеи Париж «чойи бародарӣ» нӯшид

Душанбе, 11.01.2016. (АМИТ “Ховар”).-Президенти Фаронса Франсуа Олланд рӯзи якшанбе зимни як дидори ғофилгир ба яке аз масҷидҳои бузурги Фаронса, воқеъ дар маркази ин кишвар ҳузур пайдо кард.
Дар ин ҷо, ки аз қурбониҳои амалҳои террористӣ ёдоварӣ мекарданд, Олланд дар фазои дӯстӣ ва сари пиёлаи «чойи бародарӣ» табодули назар намуд. Рӯзҳои шанбе ва якшанбеи гузашта садҳо масҷид дарҳои худро барои ёдоварӣ аз қурбониҳои амалҳои террористӣ, ки дар Париж анҷом ёфт. таҳти унвони «Дарҳои боз» боз намуданд, то аз «Исломи ҳамдигарфаҳмӣ» аз тариқи тақдими «чойи бародарӣ» дифоъ намоянд. Мавриди зикр аст, ки баъд аз мурури 1 сол аз ҳуҷуми ноябри соли 2015 аз ҷониби террористон Шӯрои ҳайати диёнати исломии Фаронса, ки масҷидҳои ин кишварро дар бар мегирад, ба муносибати бузургдошти қурбониҳои кормандони ҳафтаномаи «Шарли Эбдо» ин чорабиниро барпо намуд.