Гирифтани пора барои ҷудо намудани қитъаи замин

Душанбе, 14.01.2016. (АМИТ “Ховар”). – 13 январ дар натиҷаи гузаронидани чорабиниҳои оперативӣ-ҷустуҷӯӣ кормандони милитсия муҳандис-заминсози яке аз ҷамоатҳои деҳоти ноҳияи Ғончӣ, марди 31-солаи сокини ҳамин ноҳияро ҳангоми гирифтани маблағи пулӣ ба сифати пора дастгир намуданд. Гумонбаршуда, барои ҷудо намудани қитъаи замини наздиҳавлигӣ ва дар рӯйхати эҳтиёҷмандон гузаронидани марди 32-солаи сокини ноҳияи Ғончӣ, аз ӯ дар ҳаҷми 1000-сомонӣ ҳамчун пора талаб намудааст.
Нисбати далели мазкур парвандаи ҷиноятӣ оғоз шуда, тафтишот давом дорад.