Хатлон: Нахустин амалиёти пайвандсозии гурда дар соли 2015 сурат гирифт

Январь 20, 2016 16:10

Душанбе, 20.01.2016. (АМИТ «Ховар») -Моҳи декабри соли 2015 бори нахуст дар таърихи тибби вилояти Хатлон амалиёти пайвандсозии гурда дар Беморхонаи ҷумҳуриявии клиникии ноҳияи Данғара бомуваффақият ба анҷом расид.
— 4 декабри соли гузашта аз ҷониби ҷарроҳони беморхонаи мо дар якҷоягӣ бо табибони шаҳри Душанбе нахустин амалиёти ҷарроҳӣ оид ба трансплантатсия ё пайвандсозии гурда гузаронида шуд. Бемор Фарҳод Ҳоҷибоеви 37-сола, сокини шаҳри Хуҷанд буда, донори ӯ яке аз хешовандонаш буд. Беморхонаи мо барои анҷом додани чунин амалиёти мушкил тамоми шароитро дорост ва Фарҳод Ҳоҷибоеви хуҷандӣ ҳаминро ба инобат гирифта, барои гузаронидани ин амалиёт ба Данғара омад. Ҳоло вазъи саломатии номбурда ва донори ӯ хуб аст ва онҳо чанд рӯз пеш аз фарорасии соли нави мелодӣ ба хонаҳои худ баргаштанд. Мутахассисони соҳа аз пойтахти кишвар бо шароити Беморхонаи ҷумҳуриявии клиникии ноҳияи Данғара шинос шуда, барои мусоид будани он барои таъсис додани Маркази транспанталогия изҳори андеша намуданд. Аммо ҳоло мо танҳо дар бораи ифтитоҳи шуъбаи он андеша дорем», — гуфт Хизматулло Шамсзода, сардухтури беморхонаи мазкур ва афзуд, ки ҳоло беморон барои амалиёти пайвандсозии гурда дар Эрон 16 ҳазор доллари ИМА, дар Русия ҳудуди 70 ҳазор доллар ва дар Олмон то 120 ҳазор евро сарф мекунанд, аммо дар Тоҷикистон чунин амалиёти ҷарроҳӣ бо сарфи ҳамагӣ камтар аз 48 ҳазор сомонӣ сурат мегирад, ки нархи нисбатан дастрас мебошад. Қарор аст, ки дар соли нав низ дар беморхонаи ҷумҳуриявии Данғара якчанд амалиёти дигари пайвандсозӣ сурат бигирад.

Январь 20, 2016 16:10

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд