Хатсайри нави Душанбе-Пекин 21 феврал фаъол мегардад
Душанбе, 19.01.2016 (АМИТ «Ховар») .- Хатсайри нав байни Душанбе ва Пекин ифтитоҳ гашта, 21 феврал аз тариқи ин хатсайр аз Душанбе ба самти Пекин аввалин маротиба парвозҳо ба роҳ монда хоҳанд шуд.
Дар ин бора зимни муаррифии хатсайр 18 январ директори генералии Алянси туристии Синзян Джанг Сяою иттилоъ дод.
Дар моҳи майи соли 2013 зимни сафари Президенти Ҷумҳурии Тоҷикистон Эмомалӣ Раҳмон ба Чин баёния оид ба ифтитоҳи парвозҳои мустақим миёни ду кишвар ба имзо расид. Дар асоси ин санад, 29 октябр соли 2015 байни ширкати ҳавопаймоии Тоҷикистон «Тоҷик Эйр» ва Алянси туристии Синзяни Чин созишнома оид ба ифтитоҳи хатсайри мустақими Душанбе-Пекин -Душанбе ба имзо расид.
Мутасаддиёни ширкати ҳавопаймоӣ зарурати кушодани хатсайрро дар рушди муносибатҳои иқтисодӣ миёни Ҷумҳурии Тоҷикистон ва Ҷумҳурии Мардумии Чин мебинанд.
Бино ба иттилои директори генералии Алянси туристии Синзян Жданг Сяою ин хатсайр барои ҳамкории мутақобилан судманд, муттаҳидсозии ду кишвар ва рушди соҳаи туризму савдо нақши муҳим хоҳад бозид.
Парвозҳо ҳар ҳафта рӯзи душанбе аз фурудгоҳи байналмилалии Душанбе ба Пекин ба роҳ монда мешаванд. Давомнокии парвоз 5 соату 30 дақиқаро ташкил хоҳад дод.
Ширкати ҳавопаймоии «Тоҷик Эйр» махсус барои ин парвозҳо як ҳавопаймои нави «Боинг 757-200»-ро, ки бо таҷҳизоти муосир муҷаҳҳаз аст, харид намуд.
Ҳавопаймо дорои 230 ҷойи нишаст буда, 16 -тои он ҷойҳои тиҷоратӣ (бизнес-класс) мебошанд.
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
ОГОҲӢ! Аз 15 то 18 июл дар Тоҷикистон баландшавии ҳарорати ҳаво пешгӯӣ мешавад
Дар муассисаҳои таҳсилоти ибтидоӣ ва миёнаи касбӣ 25 ихтисоси нав дар соҳаи саноати металлургияи сиёҳ таъсис меёбад
