Хазинаи суғуртаи иҷтимоии аҳолии Тоҷикистон дар соли 2015 бештар аз 2 млрд. сомониро ташкил дод

Душанбе, 19.01.2016 (АМИТ «Ховар»).- «Дар соли 2015 бо назардошти ҳиссагузориҳои корхонаю муассисаҳои кишвар воридот ба буҷаи Хазинаи суғуртаи иҷтимоии аҳолӣ (ХСИА) 2 миллиарду 67,4 миллион сомониро ташкил кард, ки 89,3%-и нақшаи пешбинишударо ташкил дод», -гуфт директори Агентии давлатии суғуртаи иҷтимоӣ ва нафақаи назди Ҳукумати Ҷумҳурии Тоҷикистон Сафаралӣ Наҷмуддинов.
Ӯ ҳамчунин илова кард, ки дар давраи ҳисоботӣ Вазорати молияи Ҷумҳурии Тоҷикистон барои норасоии буҷаи Хазинаи ҳифзи иҷтимоии аҳолӣ ва нафақа аз ҳисоби буҷаи давлатии кишвар ба суратҳисоби Агентии давлатии суғуртаи иҷтимоӣ ва нафақаи назди Ҳукумати Ҷумҳурии Тоҷикистон 65 миллион сомонӣ ирсол кард.