Хуҷанд: иштироки беш аз 10 ҳазор дар маъракаи тозагии шаҳрӣ

Хуҷанд, 18.01.2016. (АМИТ «Ховар»).- Дар маркази вилояти Суғд дар доираи эълони иқдоми “300 рӯзи ободонӣ” бахшида ба 25- солагии Истиқлолияти давлатии Ҷумҳурии Тоҷикистон корҳои ободонӣ вусъати тоза мегиранд.
Тибқи иттилои раёсати идораи ободонӣ дар шаҳри Хуҷанд 17- уми январ тибқи дастури шаҳрдории Хуҷанд дар миқёси шаҳр шанбегии умумишаҳрӣ доир гардид.
Дар ҳашар бештар аз 10 ҳазор сокини шаҳр, кормандони идораю ташкилот ва муассисаҳо, новобаста аз шакли моликияташон иштирок намуда, бо қувваи ҳашарчиён бештар аз 2 ҳазор ниҳоли сояафкану мевадор ва наздики ҳазор бех гулҳои ороишӣ шинонида шуданд.