Хушбахтӣ аз оила сарчашма мегирад

Душанбе, 29.01.2015. (АМИТ «Ховар»).- Дар мақомоти иҷроияи ҳокимияти давлатии шаҳри Истиқлол ҷаласаи ҳисоботии бахши кор бо занон ва оила, инчунин бахши сабти асноди ҳолати шаҳрвандӣ дар соли 2015 бо иштироки муовини раиси шаҳр А.Шарифзода, масъулини мақомоти иҷроияи ҳокимияти давлатии шаҳр, занони фаъоли кумитаи маҳаллаҳо ва корхонаву муассисаҳо баргузор шуд.
Мудири бахши кор бо занон ва оила Наргиза Раззоқова ва мудири бахши сабти асноди ҳолати шаҳрвандӣ Назира Раҳимова доир ба фаъолияти бахшҳо дар соли сипаригардида сухан гуфтанд.
Муовини раиси шаҳр доир ба пурзӯр намудани корҳои тарғиботиву ташвиқотӣ дар самти кор бо занон ва оила, сабти ҳолатҳои шаҳрвандӣ, инчунин оид ба манъи никоҳи хешутаборӣ, ҳатмӣ будани муоинаи тиббии навхонадорон, масъулияти модарон дар таълиму тарбияи фарзандон ва дигар масъалаҳои рӯзмарра ҳарф зада, ба масъулин бобати ҳалли камбудиҳои ҷойдошта дастур дод.