Ҷиноят аз ҷониби ноболиғон 11% кам шудааст

Душанбе, 06.01.2016. (АМИТ «Ховар»). — Бино ба иттилои хадамоти матбуоти Вазорати маориф ва илми ҷумҳурӣ, дар 11 моҳи соли 2015 аз ҷониби ноболиғон 632 ҷиноят ба қайд гирифта шудааст, ки нисбат ба соли гузашта (соли гузашта 717 ҷиноят) 85 (11%) ҷиноят кам аст. Дар ҳамин давра дар вилояти Суғд 173 ҷиноят (соли гузашта 182 ҷиноят)- 9 ҳолати камшавӣ, вилояти Хатлон 148 ҷиноят ( соли гузашта 189 ҷиноят)-41 ҳолати камшавӣ, ВМКБ 8 ҷиноят (соли гузашта 22 ҷиноят) — 14 ҳолати камшавӣ, шаҳри Душанбе 160 ҷиноят (соли гузашта 161 ҷиноят) -1 ҳолати камшавӣ, шаҳру ноҳияҳои тобеи пойтахт 142 ҷиноят (соли гузашта 142 ҷиноят) ба қайд гирифта шудааст. Дар шаҳру ноҳияҳои тобеи ҷумҳурӣ аз ҳама зиёд дар ноҳияи Рашт 22 ҷиноят (соли гузашта 17 ҷиноят) 5 ҳолати зиёдшавӣ ба қайд гирифта шудааст. Ноболиғон дар 1 ҳодисаи одамкушӣ, 427 ҳолати дуздӣ, 60 ҳолати авбошӣ, 3 ҳолати таҷовуз ба номус, 4 ҳолати ҳаракатҳои зўроварии дорои хусусияти шаҳвонӣ, 5 ҳолати тайёр намудан ва истеъмоли маводи нашъадор, 6 ҳолати қаллобӣ, 11 ҳолати ғоратгарӣ ва ба дигар ҷиноятҳо даст заданд. Дар ҷумҳурӣ 84 ҳолати ҳодисаи худкушии ноболиғон ба қайд гирифта шудааст, ки ки 48 нафар писар ва 36 нафараш духтар мебошад.