Истисмори меҳнатии одамон

Душанбе, 21.01.2016. (АМИТ «Ховар») —   19-уми январ  дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони милитсия сокини 28-солаи  шаҳри Душанбе бо гумони ҷалби одамон барои истисмор дастгир  шуд. Муайян гардид, ки гумонбаршуда, моҳи августи соли 2013 зани 23-солаи шаҳри Душанберо бо роҳи фиреб бо баҳонаи бо ҷойи кори доимӣ таъмин намудан ба шаҳри Маскави Федератсияи Русия даъват намуда, дар он ҷо ба муддати 4 моҳ маҷбурӣ кор фармуда, музди меҳнаташро ба  маблағи 100 ҳазор рубли русӣ ба манфиати худаш сарф намудааст.

Ҳамин тариқ, гумонбаршуда ҷавони 21-солаи  шаҳри Душанберо низ бо роҳи фиреб, барои кор ба шаҳри  Маскав ҷалб намуда, дар муддати 3 моҳ маҷбурӣ кор фармуда, музди меҳнаташро ба  маблағи  100 ҳазор рубли русӣ аз они худ кардааст.

Нисбат ба дастгиршуда парвандаи ҷиноӣ оғоз гардида, тафтиш идома дорад.