Китобхони беҳтарин муайян гардид
Душанбе, 18.01.2016. (АМИТ «Ховар»).- Бо мақсади муайян кардани китобхони беҳтарин ва афзун намудани шумораи китобхонҳо дар Донишкадаи молия ва иқтисоди Тоҷикистон озмуни «Китобхони беҳтарини сол» гузаронида шуд. Озмунро шуъбаи корҳои илмӣ-тадқиқотӣ ва китобхонаи илмии донишкада ҷамъбаст намуд.
Тавре ки аз донишкада хабар доданд, аз тамоми факултаҳои донишкада 16 китобхони беҳтарин ба қайд гирифта шуда, дар озмун иштирок карданд.
Шартҳои асосии озмун- ин аз ҳама бештар гирифтан ва мутолиа кардани китоб, дар муҳлати муайяншуда баргардонидани он, мутолиа намудани китобҳои бадеӣ, риояи Низомнома дар бораи қоидаҳои гардиши китобхона ва тозаю озода баргардонидани китобҳо маҳсуб мешуд. Илова бар ин, ба иштирокдорони озмун саволҳои зеҳнӣ низ дода шуданд.
Дар ҷамъбаст, аз рӯи талаботи шартҳои озмун ҷои якум насиби донишҷӯи курси 4 факултаи молия ва қарз Манзура Маллаева, ҷои дуюм насиби донишҷӯи курси 4 факултаи ҳисобдорӣ ва омор Аҳлиддин Табаров ва ҷои сеюм насиби донишҷӯи курси 2 ҳамин факулта Шарофат Халилова гардид.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
