Коҳиши шумораи муҳоҷирони меҳнатӣ дар Суғд

Хуҷанд. 21.01. 2015. (АМИТ “Ховар”).- Дар вилояти Суғд соли гузашта назар ба соли 2014 — шумораи муҳоҷирон беш аз 20 ҳазор нафар кам шудааст. Тавре ки ба хабарнигори АМИТ “Ховар” аз Раёсати Хадамоти муҳоҷирати назди Ҳукумати ҶТ дар вилояти Суғд иттилоъ доданд, дар соли 2015 шумораи муҳочирон ба 21 760 нафар коҳиш ёфта, дар маҷмӯъ дар ду соли охир теъдоди муҳоҷирони меҳнатӣ ба 72,6 ҳазор нафар кам гардид. Ба гуфти манбаъ, яке аз омилҳои камшавии сафаркунии муҳоҷирон- ин аз як тараф манъи воридшавӣ ба қаламрави Русия бошад, сабабҳои дигар- ин гирифтани замин ва ташкили хоҷагии деҳқонӣ, ҷалби чанде аз онҳо ба корҳои сохтмонӣ ба шаҳраки Сайҳун ва эҳёи ҳунарҳои миллӣ ва инчунин фарогирӣ ба касбомӯзиву забономӯзӣ мебошад.
Аз ҷумла, тибқи маълумоте, ки зимни чорабинии пурсиши хона ба хона гирифта шуд, наздик 25 ҳазор нафар бо ҷои кор, 6036 нафар бо қитъаи замин, 4544 нафар бо қарзи бонки таъмин гардида, 6241 нафар ба касбу забономӯзӣ фаро гирифта шуданд.
Дар умум дар давоми соли 2015 аз вилояти Суғд ба муҳоҷирати меҳнатӣ 133 ҳазору 155 нафар, аз онҳо 20 ҳазору 199 зан рафтааст.