Кумаки роҳбарияти осоишгоҳи «Баҳористон » ба кӯдакистони «Офтобак»

Хуҷанд, 5.01.2016. (АМИТ «Ховар»).- Дар арафаи Соли нави мелодӣ сарвари осоишгоҳи «Баҳористон» Абдураҳмон Абдуҷабборов аз кӯдакистони «Офтобак» дидан намуд. Кӯдакистони «Офтобак» аз шумораи боғчаҳои беҳтарин ба ҳисоб рафта, қариб 200 нафар кӯдакон дар он ҷо бо таълиму тарбия фаро гирифта шудаанд. Сарвари осоишгоҳ бо кӯдакон вохӯрд ва ба онҳо туҳфаҳои солинавӣ тақдим намуда, хотири онҳоро шод намуд. Инчунин ба маблағи 12 ҳазору 500 сомонӣ лавозимоти арзанда, ки барои таъминоти боғча заруранд, тақдим шуд. Ӯ ваъда дод, ки минбаъд сарпарастии боғчаи мазкурро бар уҳда гирифта, тез-тез аз он ҷо хабар мегирад ва дар иду айём онҳоро бо туҳфаҳо қадрдонӣ менамоянд.