Курси омӯзишии ММТ барои 100 намояндаи шаҳру навоҳии кишвар
Душанбе, 15.01.2016 (АМИТ «Ховар» ) — Аз 18-ум то 20-уми январи соли 2016 курси омӯзишии низоми имтиҳонҳои марказонидаи дохилшавӣ (ИМД) ба муассисаҳои таълимии таҳсилоти миёна ва олии касбии Ҷумҳурии Тоҷикистон барои соли таҳсили 2016-2017 баргузор мешавад. Ба иттилои Маркази миллии тестии назди Президенти Ҷумҳурии Тоҷикистон (ММТ) дар назар аст дар курси мазкур 100 намоянда аз 68 шаҳру навоҳии ҷумҳурӣ иштирок намоянд.
Мақсади чорабинии мазкур омода намудани таблиғгарон барои иттилоърасонию омӯзонидани низоми ИМД ба омӯзгорон ва хатмкунандагони муассисаҳои таълимии таҳсилоти миёнаи умумӣ, таҳсилоти ибтидоӣ ва миёнаи касбӣ ва волидайни онҳо мебошад. Интихоби таблиғгарон дар мувофиқа бо шуъбаҳои маорифи шаҳру ноҳияҳо ва дар асоси озмоиши марказ сурат мегирад. ММТ ҳамчунин иттилоъ медиҳад, ки давомнокии курси омӯзишӣ 12 соат буда, онро кормандони марказ дар бинои Донишкадаи ҷумҳуриявии такмили ихтисос ва бозомӯзии кормандони соҳаи маориф аз рӯйи дастури иттилоотию методии “Роҳнамои довталаб” ва модул-барномаи омӯзишӣ мегузаронанд.
Даври дуюми чорабинии мазкур дар сатҳи шаҳру ноҳияҳои ҷумҳурӣ, рӯзҳои 27-29-уми январ бо иштироки намояндагони муассисаҳои таълимии таҳсилоти миёнаи умумӣ, таҳсилоти ибтидоӣ ва миёнаи касбӣ ва даври сеюм дар давоми моҳи феврали соли 2016 барои хатмкунандагон ва падару модарони онҳо (дар шакли дарсҳои омӯзишӣ) баргузор хоҳад шуд.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
