М. Ҷабборӣ аз фаъолияти кормандони соҳа изҳори қаноатмандӣ намуд
Душанбе, 15.01.2016. (АМИТ «Ховар»). -Ҷаласаи мушовараи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба ҷамъбасти фаъолият ва нишондиҳандаҳои рушди соҳаи тандурустию ҳифзи иҷтимоии аҳолии ҷумҳурӣ дар соли 2015 ва вазифаҳо барои соли 2016 бо мақсади амалӣ намудани иқдомҳои пайгиронаи Ҳукумати кишвар вобаста ба иҷрои дастуру супоришҳои Президенти Ҷумҳурии Тоҷикистон Эмомалӣ Раҳмон баргузор гардид.
Дар он муовини Сарвазири кишвар Марҳабо Ҷабборӣ, вазири тандурустӣ ва ҳифзи иҷтимоии аҳолии Ҷумҳурии Тоҷикистон Нусратулло Салимзода, муовинони вазир ва роҳбарони муассисаҳои ташхисию шифоии кишвар иштирок доштанд. Вазир зикр кард, ки: “Соли фарорасида барои кишварамон, ҳамчунин, барои соҳаи тандурустӣ ва ҳифзи иҷтимоии аҳолӣ соли пурмасъулу самаранок мебошад, зеро имсол ҳам дар ҳаёти сиёсӣ ва ҳам дар самтҳои иқтисодию иҷтимоии Ҷумҳурии Тоҷикистон чорабиниҳои тақдирсоз бо ташаббуси бевоситаи Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон бахшида ба бисту панҷумин солгарди Истиқлолияти давлатӣ баргузор хоҳад гардид. Яке аз рўйдодҳои муҳим — қабули Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ — Пешвои миллат” мебошад. Маҳз бо роҳнамоӣ ва хиради Сарвари давлат, бо идроку матонати беназири ў Тоҷикистон фазои сулҳу оромро доро гашта, давлати соҳибистиқлол гардид ва дар арсаи ҷаҳонӣ мавқеи хоссаи худро пайдо намуд”.
Пешгирии фавти модару кӯдак, ба роҳ мондани назорати антинаталӣ, бемориҳои гениталӣ ва дигар бемориҳое, ки сабабгори марги модарон ҳангоми таваллуд ё тифли навзоди онҳо мегарданд, назорат ва пешгирии бемориҳои сироятӣ, истифодаи дурусту самараноки телетиб аз масъалаҳои асосие буданд, ки мавриди баррасӣ қарор гирифтанд.
Муовини Сарвазири ҷумҳурӣ Марҳабо Ҷабборӣ андешаҳояшро нисбат ба фаъолияти соҳа дар соли 2015 баён намуда, аз ҷумла зикр кард, ки мафҳуми сифат дар фаъолияти табибон бояд дар ҷои аввал бошад ва истифодаи дурусту самараноки таҷҳизоти гаронарзиши тиббӣ бояд пурра ба роҳ монда шавад. Марҳабо Ҷабборӣ аз фаъолияти кормандони соҳа дар соли сипаришуда дар маҷмӯъ изҳори қаноатмандӣ намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






