М. Муродов: Падару модарон низ ба омӯзондани забонҳои хориҷӣ масъуланд

Душанбе, 27.01.2016 (АМИТ «Ховар»).- «Масъалаи забономӯзӣ, ки 20- уми январи соли равон зимни Паёми солона аз ҷониби Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ироа гардид, хеле муҳим ва саривақтӣ мебошад»,-гуфт доктори илмҳои филологӣ, профессор Мурод Муродов.
Ба андешаи Мурод Муродов имрӯз омӯзгорон, олимон ва равшанфикронро лозим аст, ки роҳҳои зеҳнии ҷалби ҷавонону наврасонро ба омӯзиши илмҳои гуногун, аз ҷумла омӯхтани забонҳои хориҷӣ пайдо намоянд, зеро агар мо ҷавонону наврасонро ба ин роҳ омода накунем, онҳо дар ҷаҳони имрӯза, ки раванди ҷаҳонишавӣ босуръат пеш рафта истодааст , қафо мемонанд.
Ҳамчунин номбурда илова намуд, ки омӯзонидани забонҳои хориҷӣ ва ин ё он фан танҳо вазифаи омӯзгор набуда падару модарро низ лозим аст, ки дар ин кор масъул бошанд