Мулоқоти вазири корҳои дохилӣ бо сафири Туркия

Январь 8, 2016 17:01

Душанбе, 08.01.2016. (АМИТ «Ховар»). -Вазири корҳои дохилӣ Раҳимзода Рамазон Ҳамро бо Сафири навтаъйини фавқулодда ва мухтори Ҷумҳурии Туркия дар Тоҷикистон Аҳмад Осим Арар вохӯрӣ доир намуд.
Зимни вохӯрӣ вазири корҳои дохилӣ Аҳмад Осим Арарро ба муносибати Сафири фавқулодда ва мухтори Ҷумҳурии Туркия дар Тоҷикистон таъйин шуданаш табрик намуда, дар иҷрои вазифаҳои пурмасъул муваффақиятҳо таманно кард.
Дар ҷараёни мулоқот ҷонибҳо оид ба масоили мубориза бар зидди ҷиноятҳои фаромиллӣ, аз қабили терроризм, экстремизм ва гардиши ғайриқонунии маводи мухаддир табодули афкор намуданд.
Зикр гардид, ки ҳамкории васеи дуҷониба дар доираи Созишнома оид ба ҳамкориҳои ҳуқуқӣ вобаста ба парвандаҳои шаҳрвандӣ, тиҷоратӣ ва ҷиноӣ аз 6-уми майи соли 1996 амалӣ мешаванд.
Ҳамкории ду вазорат дар асоси Созишномаи байни Ҷумҳурии Тоҷикистон ва Ҷумҳурии Туркия оид ба ҳамкорӣ дар мубориза бо терроризми байналмилалӣ, гардиши ғайриқонунии маводи мухаддир ва моддаҳои психотропӣ ва ҷиноятҳои муташаккил аз 7-уми ноябри соли 2011 рӯз аз рӯз тақвият ёфта истодаанд.
Сафири Фавқулодда ва мухтори Ҷумҳурии Туркия дар Тоҷикистон Аҳмад Осим Арар изҳор дошт, ки робита ва ҳамкорӣ бо Вазорати корҳои дохилии Ҷумҳурии Тоҷикистон зич ба роҳ монда шуда, дар самти пешгирӣ ва ошкор намудани ҷиноятҳои фаромиллӣ дар ҳамбастагӣ ва якҷоягӣ мубориза бурда мешавад.

Январь 8, 2016 17:01

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд