Музди миёнаи меҳнат дар ҷумҳурӣ 6,4 фоиз афзуд

Январь 22, 2016 14:55

Душанбе, 22.01.2016 (АМИТ «Ховар»).- Дар моҳҳои январ-октябри соли 2015 музди миёнаи меҳнат дар ҷумҳурӣ 862,3 сомониро ташкил дода, нисбат ба ҳамин давраи соли гузашта 6,4 фоиз афзудааст. Ин нуктаро имрӯз зимни нишасти матбуотӣ вазири меҳнат, муҳоҷират ва шуғли аҳолӣ Сумангул Тағойзода таъкид намуд.
Бино ба гуфтаи вазир музди меҳнати баландтар дар соҳаҳои сохтмон — 1955 сомонӣ, неруи барқ, газ ва таъминоти об — 1287 сомониро ташкил медиҳад.
“Дар соли 2015 ба мақомоти меҳнат ва шуғли аҳолӣ 112 ҳазору 961 шаҳрванд муроҷиат намуданд, ки 72 ҳазору 521 нафари онҳо ҳамчун корҷўй ба қайд гирифта шуда, ба 51 ҳазору 252 нафар расман мақоми бекорӣ дода шуд. Тавассути татбиқи чорабиниҳои «Барномаи мусоидат ба шуғли аҳолӣ» дар маҷмўъ 38 ҳазор 952 шаҳрванд бо ҷойи кор таъмин гардиданд. Аз ҷумла, ба воситаи ҷойҳои кории бандшуда (квотаҳо) 2 ҳазор 869 нафар ва тавассути ташкили корҳои фардӣ 3 ҳазор 937 нафар соҳиби ҷойи кор шуданд”,- гуфт С. Тағойзода.

Январь 22, 2016 14:55

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд