Н. Саид: Оғози дарсҳо дар мактабҳои олӣ аз 7-30 боқӣ хоҳад монд

Душанбе, 11.01.2016. (АМИТ «Ховар»). — «Шуруъ аз моҳи ноябр таҳсил дар мактабҳои олии пойтахт аз 7-30 оғоз шуда, ин реҷа ҳамин хел боқӣ мемонад»,-гуфт вазири маориф ва илми кишвар Нуриддини Саид зимни нишасти матбуотии имрӯза. Бино ба гуфтаи вазир, ҷомеаи инсонӣ танзимшаванда ва идорашаванда аст. «Мо бо ин роҳ тавонистем, танбашавии нақлиётро дар роҳҳои пойтахт субҳидам аз ҳисоби донишҷӯён бартараф кунем. Ин кумаки мо ба шаҳрдорӣ буд»,- илова нумд Нуриддини Саид.
Бино ба гуфтаи вазир, минбаъд шабу рӯз баробар шуда, рӯзҳо дароз мешаванд.
«Онҳое, ки субҳидам аз ба дарс омадан метарсанд, нафарони ғафлатзада ва хоболуданд. Ин масъала бо шаҳрдорӣ ва ҳукумати шаҳр мувофиқа шудааст ва ман гумон мекунам, ки ин иштибоҳ нест»,-зикр дошт вазири маориф ва илми кишвар.