Нақшаи ҷамъоварии маблағҳои андоз дар шаҳри Норак 138,1 фоиз иҷро шуд

Норак, 23.01.2016 (АМИТ «Ховар»).- Дар соли 2015 нақшаи ҷамъоварии маблағҳои андоз дар шаҳри Норак аз рўи нақшаи тасдиқшудаи аввали сол 138,1 фоиз иҷро гардида, ба буҷет ба ҷои 22,5 млн сомонӣ нақшаи пешбинишуда  30,4 млн сомонӣ маблағ ворид гардид, ки нисбат ба нақша 8,4 млн сомонӣ зиёд мебошад. Гарчанде нақшаи қисми даромади буҷет иҷро гардида бошад ҳам сифатнокии он таъмин  нашуда, як намуди андоз  пурра иҷро нагардид, ки ин андози иҷтимоии ғайрибуҷетӣ буда,  он 72,4 фоиз ё ин ки нисбат ба нақшаи пешбинигардида 6,7 млн сомонӣ кам ба буҷет ворид гардид. Натиҷа ин буд, ки соли 2016 шаҳри Норак аз гирифтани маблағҳои мақсаднок аз ҳисоби буҷаи вилоят бароварда шуд.

Қисми хароҷоти буҷет аз рўи нақшаи пешбинишуда 99,9 фоиз таъмин  шуд.