Ҳолати гум шудани бағоҷ дар ФБД коҳиш ёфтааст

Душанбе, 26.01.2016.(АМИТ «Ховар»).- Дар «Фурудгоҳи байналмилалии Душанбе» дар соли 2015 ҳолати наомадан, осеб дидан ва гум шудани бағоҷ коҳиш ёфтааст.
Дар ин бора ба хабарнигорон Рустам Холиқзода- директори Ҷамъияти саҳомии кушодаи «Тоҷик Эйр» ва ҶСК «Фурудгоҳи байналмилалии Душанбе» иттилоъ дод. Мавсуф зикр кард, ки дар соли гузашта дар масъалаи наомадан, осеб дидан ва гум шудани бағоҷ ба унвонии шуъбаи арзу шикоятҳои фурудгоҳ беш аз 1300 аризаву дархост ворид гардид, ки нисбат ба соли 2014-ум 55,8 % кам мебошад. Зикр шуд, ки аз теъдоди арзу эродҳо 1336- тоаш қонеъ кунонида шуда, 5- тои дигар дар марҳилаи баррасист.