Ошкор гардидани ҷинояти куштор

Душанбе, 18.01.2016. (АМИТ «Ховар»). -16- уми январ зимни гузаронидани чорабиниҳои фаврӣ-ҷустуҷӯӣ кормандони милитсияи ШВКД дар ноҳияи Ҳисор сокини 48-солаи ноҳияи Рӯдакиро бо гумони содир намудани ҷинояти куштор дастгир намуданд. Муайян шуд, ки гумонбаршуда, 11-уми январ аз сабаби муноқишаи ба миён омада зани 48-солаи сокини ноҳияи Шаҳринавро ба мошини шахсиаш тамғаи “Чанху”, савор карда, ба ҳудуди деҳаи Дарёободи ноҳияи Рӯдакӣ бурда, лату кӯб намуда, ба дарёи Кофарниҳон партофтааст. Дар натиҷа зани ҷабрдида аз сабаби баста шудани роҳи нафас дар об ба ҳалокат расидааст.
Нисбат ба далели мазкур парвандаи ҷиноятӣ оғоз шуда, тафтиш идома дорад.