Паём — равшанибахши имрӯзу фардо

Январь 29, 2016 08:00

Душанбе, 29.01.2016. (АМИТ «Ховар»). -Дирӯз бо ташаббуси гурӯҳи ҷавонони «Пешоҳанг» дар ҷамоати деҳоти Урметани ноҳияи Айнӣ вохӯрии ҷавонон ва донишҷӯён бо мактаббачагони муассисаи таҳсилоти умумии №2, ба номи Қутбӣ Киром баргузор гардид.

Дар вохӯрӣ намояндагони ШВКД дар ноҳияи Айнӣ, Бахши ҷавонон, варзиш ва сайёҳии ноҳияи мазкур, ташкилоти ҷамъиятии «Созандагони Ватан» ва аҳли ҷамоат иштирок намуда, доир ба самтҳои муҳими Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, тарбия намудани насли ҷавон дар рӯҳияи ватандӯстӣ, пешгирии шомилшавии шаҳрвандон ба ҳизбу ҳаракатҳои ғайриқонунӣ, омӯхтани илму дониш,технологияи муосир ва забонҳои хориҷӣ сухан гуфтанд.

Зимни вохӯрӣ узви фаъоли гурӯҳи ҷавонони «Пешоҳанг» Муҳсин Муродзода зикр кард, ки Президенти Ҷумҳурии Тоҷикистон Эмомалӣ Раҳмон дар Паёми имсола гуфт: «Ояндаи мамлакат аз фаъолияти омӯзгор ва рушди илму маориф вобастагии зиёд дорад. Дар хотир бояд дошт, ки танҳо миллати босавод метавонад насли соҳибмаърифату донишманд ва кадрҳои арзандаи давронро ба воя расонад, пеш равад ва дар ҷомеаи мутамаддин мақоми арзандаи худро пайдо намояд».

Пешвои миллат аз падару модарон, масъулини таълиму тарбия, роҳбарони мақомоти иҷроияи маҳаллии ҳокимияти давлатӣ ва тамоми ҷомеаи шаҳрвандӣ даъват ба амал овард, ки барои аз мактаб дур намондани фарзандон саъю талош намоянд, ба илму донишандӯзӣ ва касбу ҳунаромӯзии наврасону ҷавонон диққати махсус диҳанд. Ҳамзамон ҳамкориро бо мактаб тақвият бахшида, барои таълими фарзандон  шароити заруриро муҳайё созанд.

 

 

Январь 29, 2016 08:00

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд