Пешгирии бемории саратон дар Кӯлоб

Кӯлоб, 4.01.2016. (АМИТ «Ховар»). -Дар минтақаи Кӯлоб гирифторони бемории саратон сол аз сол коҳиш ёфта, барои пешгирии ин бемории сироятӣ аз тарафи масъулин чораҷӯӣ мешавад.
Ба иттилои директори Маркази вилоятии саратоншиносӣ Наврӯз Холматов ҳоло дар беморхона 11 нафар бистарӣ буда, дар давоми сол 480 нафар муолиҷа гирифтанд. Бемории саратон асосан бемории дарунӣ ба ҳисоб рафта, аз ҳуҷайраи бадан инкишоф меёбад. Дар беморхона 322 нафар ба воситаи ҷарроҳӣ ва зиёда аз 200 нафар ба воситаи табобати химиявӣ табобат гирифтанд. Беморхона барои зимистонгузаронӣ бо шароити лозимӣ муҷаҳҳаз буда, беморон бо печҳои барқӣ ва ду вақт хӯрок таъминанд.