Сайди 254,6 тонна моҳӣ дар соли 2015

Хуҷанд,12.01.2016. (АМИТ «Ховар»). — Дар вилояти Суғд ҳаҷми маҳсулоти моҳипарварӣ дар соли 2015-ум 5246 ҳазор сомониро ташкил кардааст, ки нисбат ба ҳамин давраи соли 2014-ум 14,5 фоиз зиёд мебошад.
Дар соли 2015 дар хоҷагиҳои моҳипарварии вилоят сайди моҳӣ 254,6 тоннаро ташкил намуд.
Дар ҳаҷми умумии истеҳсоли моҳӣ намуди моҳии пешонағафси сафед 3,5 фоиз, намуди зағорамоҳӣ 15,3 фоиз, амури сафед 3,0 фоиз, намуди суфмоҳӣ (судак) 6,0 фоиз буда, 72,1 фоизро дигар намуди моҳиҳо -ҷумҷумамоҳӣ, мормоҳӣ ва шамшермоҳӣ ташкил мекунанд.