Ситораи филми «Гарри Поттер» Алан Рикман аз бемории саратон фавтид

Душанбе, 15.01.2016 (АМИТ «Ховар»). -Ҳунарманди бритонӣ Алан Рикман, ки дар филмҳои «Одами мустаҳкам», «Догма», «Атрсоз» ва як cилсила филмҳои «Гарри Поттер» нақш бозидааст, дар Лондон дар 70-умин соли умраш фавтидааст. Тавре ки «The guardian» хабар медиҳад, ҳунарманд аз бемории саратон азият мекашид ва марги ӯро аъзои оила тасдиқ кардаанд. Рикман дар зиёда аз 50 филм нақш бозидааст. Яке аз нақшҳои арзандатарини ӯ профессор Северус Снейп дар филми «Гарри Поттер» мебошад, ки ин роман ба Ҷоан Роулинг тааллуқ дорад. Ҳунарманд барои нақш дар филми «Распутин» ҷоизаи «Курраи тиллоӣ» ва «Эмми»-ро сазовор гашта, барои ҳунарнамоияш дар навори «Робин Гуд, мири дуздон» ҷоизаи BAFTA-и Бритониёро гирифтааст.
Дигар нақшиҳои машҳури Рикман дар филмҳои «Суинни Тод», «Дев-сартарош аз кӯчаи Флит», «Алиса дар олами муъҷиза», «Муҳаббати аслӣ» ва «Бӯсаи Яҳудо» мебошанд.