Сохтмони дуюми МБГ-2 идома дорад

Душанбе, 27.01.2016 (АМИТ «Ховар»). — Ба иттилои вазири энергетика ва захираҳои оби ҶТ Усмонзода Усмоналӣ, вазорат дар баробари дигар лоиҳаҳои давлатии сармоягузорӣ, сохтмони дуюми МБГ-2 (300 МВт)-ро низ таҳти назорати қатъӣ қарор додааст. Ҳоло дар 12 қисмати иншоот корҳо идома дошта, қаноатбахш арзёбӣ мегарданд.
Тибқи маълумоте, ки имрӯз зимни нишасти матбуотии Вазорати энергетика ва захираҳои об ироа шуд, сохтмони хатти гармигузар дар кӯчаҳои Фотеҳ Ниёзӣ бо дарозии умумии 1100 метр, Шероз 512 метр ва Маҳмадулло Холов — Некрасов бо дарозии 1080 метр ба истифода дода шудааст.