Сохтмони зиёда аз 60 иншооти гуногун дар Исфара

Душанбе, 5.01.2016. (АМИТ «Ховар»).-Дар шаҳри Исфара дар айни замон сохтмони зиёда аз 60 иншооти гуногуни истеҳсоливу иҷтимоӣ ва хизматрасонӣ идома дорад.
Дар доираи амалигашти «Барномаи рушди иқтисодию иҷтимоии шаҳри Исфара барои солҳои 2013-2017» сохтмони Маркази адлия барои кормандони САҲШ, нотариус ва судиҷрочиёни шаҳр, бинои хизматии прокуратураи шаҳр, таъмиру навсозии бинои якуми беморхонаи марказии шаҳр тибқи нақша сурат мегиранд.
Мутобиқи нақшаи генералии шаҳр дар маркази шаҳр 7 бинои панҷ-шашошёнаи истиқоматӣ сохта шуда истодааст.
Дар давоми соли 2015 ба маблағи 21,4 млн сомонӣ корҳои пудратӣ ба иҷро расиданд, ки нисбат ба ҳамин давраи соли сипаришуда 2,9 млн. сомонӣ зиёданд.