Соли 2015 дар ҷумҳурӣ 694 ярмаркаи ҷойҳои кории холӣ баргузор гардид

Январь 5, 2016 09:19

Душанбе, 05.04.2016. (АМИТ «Ховар»). — Дар соли 2015 аз ҷониби мақомоти меҳнат ва шуғли аҳолӣ дар вилоят, шаҳр ва ноҳияҳо 694 ярмаркаи ҷойҳои кории холӣ, аз ҷумла дар ВМКБ -52 ярмаркаи ҷойҳои корӣ, вилояти Суғд — 257, вилояти Хатлон — 278, шаҳри Душанбе — 24 ва дар ноҳияҳои тобеи ҷумҳурӣ 83 чорабинӣ баргузор гардиданд. Дар ярмаркаҳо 7038 корхонаю муассисаҳо иштирок намуда, ба корҷўён ба ҳисоби миёна ҳар як корхона зиёда аз 13,2 ҷойҳои кориро пешниҳод намуд, ки дар маҷмўъ 93 385 ададро ташкил медиҳанд. Дар натиҷаи баргузории ярмаркаи ҷойҳои кории холӣ 7062 шаҳрванд ба ҷои кор роҳхат гирифта, аз ин шумора 5091 нафар (72%) бо ҷойҳои корӣ таъмин гардиданд.
Таҷрибаи ташкил намудани ярмаркаи соҳавии ҷойҳои корӣ дар ҳамкорӣ бо дигар вазорату идораҳо ва корфармоён тадбири муассир дар мусоидат ба шуғли бекорон мебошад.
Дар маҷмўъ тавассути гузаронидани ярмаркаи ҷойҳои корӣ дар давраи баррасишаванда 11799 шаҳрванд ба намудҳои гуногуни шуғл ҷалб шуданд, ки аз ин теъдод 1552 нафар зан ва 1441 ҷавонон мебошанд.
Аз теъдоди ҷойҳои кории пешниҳодшуда 1701 адад ба соҳаи саноат (музди миёнаи меҳнат 788 сомонӣ), 117 адад ба соҳаи сохтмон (музди миёнаи меҳнат 829 сомонӣ), 606-то ба соҳаи кишоварзӣ (музди миёнаи мехнат 375 сомонӣ), 202-то ба соҳаи нақлиёт ва алоқа (музди миёнаи меҳнат 485 сомонӣ), 801-то ба соҳаҳои маориф ва фарҳанг (музди миёнаи меҳнат 509 сомонӣ), 2120 адад ба соҳаи тандурустӣ (музди миёнаи меҳнат 520 сомонӣ), 215 адад ба соҳаи савдо ва хизмати маишӣ (музди миёнаи меҳнат 528 сомонӣ), 227-то ба соҳаи манзилию коммуналӣ (музди миёнаи меҳнат 507 сомонӣ) ва 1258 ҷойи корӣ ба дигар соҳаҳо (музди миёнаи меҳнат 672 сомонӣ) рост меояд.

Январь 5, 2016 09:19

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд