«Соли фарди солим» ва таъмиру барқарорсозии иншооти соҳаи тиб

Хуҷанд, 5.01.2016. (АМИТ «Ховар»).- Соли 2016 дар вилояти Суғд бо ташаббуси раиси вилоят Абдураҳмон Қодирӣ «Соли фарди солим» эълон шуд ва интизор меравад дар ин сол сатҳи хизматрасонии тиббӣ боз ҳам беҳтар гардад.
Дар соҳаи тандурустӣ бо назардошти эълон гаштани «Соли фарди солим» ба истифода додани бинои нави «Маркази ёрии таъҷилӣ», Беморхонаи касалиҳои сил, таъмири марказҳои саломатӣ, бо таҷҳизоти нав таъмин намудани онҳо, омода намудани лоиҳаи бинои нави Беморхонаи касалиҳои сироятӣ ба нақшаи Мақомоти иҷроияи ҳокимияти давлатии шаҳри Хуҷанд дароварда шудааст. Иншооти замонавии тиббӣ барои беҳтар гардидани сатҳи хизматрасониҳо таъсири мусбати худро хоҳанд расонид.