Суғд: 4 нафар зан вакили МН аст

Хуҷанд,16.01.2016 (АМИТ «Ховар» )- Дар вилояти Суғд 1 миллиону 244 ҳазор нафар занон зиндагӣ мекунанд, ки аз он 437 ҳазору 10 нафарашон ҷавондухтарон мебошанд.
Дар ин бора Нодира Мирзозода, сардори Раёсати кор бо занон ва оилаи мақомоти иҷроияи ҳокимияти давлатии вилоят зимни нишасти матбуотӣ хабар дод.
Ба иттилои Нодира Мирзозода 4 нафар зани вилоят вакилони Маҷлиси намояндагон, 1 нафар узви ММ МО ҶТ буда, 16 нафар зан вакили Маҷлиси вакилони халқи вилоят мебошанд. Инчунин 536 нафар зан вакили халқӣ дар ҷамоату деҳот мебошад.