Сулҳ беҳ аз ҷангу доварӣ

Душанбе, 18.01.2016. (АМИТ «Ховар»). — Бо ибтикори Ташкилоти ҷамъиятии байналмилалии фонди «Диалоги Авруосиё» китоби «Терроризм ва ифротгароӣ-роҳҳои пешгирии он» дастраси хонандагон гардид. Дар китоб маҷмӯаи мақолаҳои олимони соҳаҳои гуногун дар бораи роҳҳои пешгирӣ аз терроризм ва ифротгароӣ бо арқому далелҳои раднашаванда дарҷ ёфтааст.
Имрӯз дар шароити ҳассосу таҳаввулпазири низоми ҷаҳонӣ таҳдиду талошҳо ба амну суботи ҷомеаи башарӣ ба таври бесобиқа ва бо шаклу гунаҳои мухталиф боло мегиранд. Кулли донишмандони дунё, сиёсатмадорон, олимон ва ҳар як фарди солимақли ҷомеа бояд барои таъмини сулҳу субот ва оромию осоиштагии сайёраи замин саъю кӯшиш намоянд.