Таҷрибаи парваришу гирифтани ҳосили дуюми пилла роҳандозӣ гардид

Душанбе, 30.01.2015. (АМИТ «Ховар»).- “Барои беҳтар намудани сифати пиллаи истеҳсолшуда чораҳои зарурӣ андешида шуда, дар кишвар таҷрибаи парваришу гирифтани ҳосили дуюм роҳандозӣ гардид”,-гуфт вазири саноат ва технологияҳои нави кишвар Шавкат Бобозода
Бино ба маълумоти вазир, масъалаҳои парвариши кирмаки абрешим, васеъ намудани майдонҳои тутзор ва парвариши навъҳои нави селексионии ниҳолҳои тут, ҳавасмандгардонии кирмакпарварон дар маркази диққат қарор дода шуд. Чунин чорабиниҳо имконият дод, ки дар ноҳияҳои кӯҳистони дурдаст ҷойҳои кории мавсимии иловагӣ ташкил гарданд.
“Аз ҳамин сабаб, барои рушди минбаъдаи соҳаи атласу адрасбофӣ ва қолинбофӣ, аз ҷумла қолинбофии дастӣ дар самти таъсиси корхонаҳои коркарди пилла шароити муносиб фароҳам омад”,-афзуд вазир.