Тамдиди лоиҳаи «Беҳтар намудани нигоҳдории роҳҳо»

Душанбе, 27.01.2015. (АМИТ «Ховар»).- Вазири нақлиёт Шералӣ Ганҷалзода намояндагони Агентии ҳамкории байналмилалии Ҷопон «JICA»- ро ба ҳузур пазируфт.
Зимни мулоқот ҷонибҳо протокол оид ба тамдид намудани муҳлати лоиҳаи «Беҳтар намудани нигоҳдории роҳҳо»-ро, ки омӯзиши мутахассисони соҳаи роҳро дар бар мегирад, ба имзо расонданд.
Роҳбари намояндагии «JICA» дар Тоҷикистон Кёши Ишии зимни мулоқот аз ҳамкории дуҷониба изҳори хушнудӣ намуда, ҳамчунин иброз дошт, ки Агентии ҳамкории байналмилалии Ҷопон «JICA» ҳамеша омода аст бо вазорат ҳамкориро идома диҳад.
Вазири нақлиёт Шералӣ Ганҷалзода изҳори бовар намуд, ки ҳамкории минбаъдаи дуҷониба дар оянда низ самараи хуб хоҳанд дод.