Тавилдара: Даромади буҷет дар соли 2015 3 миллиону 473 ҳазору 773 сомонӣ

Тавилдара, 15.01.2016 (АМИТ «Ховар» )- Қисми даромади буҷети ноҳияи Тавилдара дар соли 2015 ба ҷои 2 миллиону 917 ҳазору 714 сомонии дар нақша пешбинишуда 3 миллиону 473 ҳазору 773 сомонӣ иҷро шудааст, ки он ба 119,1 дарсади нақша баробар аст.
Воридоти андози иҷтимоӣ ба буҷаи ҷумҳуриявӣ ба андозаи 3 миллиону 240 ҳазору 228 сомонӣ дар ин давра иҷро гардид, ки он 100 дарсади нақшаро ташкил медиҳад.
Нақшаи андозҳо бо назардошти андози иҷтимоӣ дар соли сипаригардида ба маблағи 6 миллиону 761 ҳазору 946 сомонӣ, ё ин ки 110,1 дарсад иҷро шудааст ва ин нишондиҳанда дар муқоиса ба ҳамин давраи соли 2014 1 миллиону 105 ҳазору 480 сомонӣ зиёд мебошад.
Бақияпулиҳои андоз 66 ҳазору 142 сомониро ташкил дода, нисбат ба соли гузашта 2 ҳазору 820 сомонӣ кам мебошад.
Қисми хароҷотии буҷет дар соли 2015 ба ҷои 18 миллиону 492 ҳазору 393 сомонии нақша 17 миллиону 338 ҳазору 952 сомонӣ иҷро шудааст, ки он ба 94 дарсади қисми хароҷот баробар аст.
Сабаби иҷро нашудани қисми хароҷоти буҷет ин аз ҳисоби Вазорати молия ҷудо нагардидани 1 миллиону 7 ҳазор сомонӣ ва ҷойҳои кории ташкилоту муассисаҳои ноҳия мебошад.