Теъдоди аъзои Китобхонаи миллӣ ба 83 ҳазору 463 нафар расидааст

Душанбе, 15.01.2016 (АМИТ «Ховар» )- Соли 2015 дар Китобхонаи миллӣ 14 ҷаласаи Шўрои илмиву методӣ доир гардида, дар он 63 масъалаи муҳими марбут ба фаъолияти Китобхонаи миллӣ, 26 гузориши сардорони шуъбаву бахшҳои китобхона баррасӣ гардида, 38 қарор қабул шуд.
Дар зарфи як сол 182 ҳазору 486 нусха адабиёт ба маблағи умумии 743 ҳазору 804,31 сомонӣ ба Китобхонаи миллӣ ворид карда шуда, мавриди коркард қарор дода шуд.
Теъдоди аъзои Китобхонаи миллӣ аз оғоз то ба ин дам ба 83 ҳазору 463 нафар расидааст. Соли равон 21 ҳазору 106 нафар ба узвияти Китобхонаи миллӣ пазируфта шуданд, ки нисбат соли 2014-ум 2575 нафар бештар аст.
Соли гузашта теъдоди наврасону хонандагони хурдсол афзуда, ҳамзамон бо ин толори хониши кӯдакон бо роҳандозии чандин чорабиниҳои вижа барои ҷалби бештари хонандагони ҷавон талошҳои судманд анҷом додааст.