Вохӯрии Эмомалӣ Раҳмон бо Муҳаммад Алӣ, Президенти Бонки исломии рушд

Январь 4, 2016 17:44

Душанбе, 04.01.2016. (АМИТ “Ховар”). — Президенти Ҷумҳурии Тоҷикистон Эмомалӣ Раҳмон бо Президенти Бонки исломии рушд доктор Аҳмад Муҳаммад Алӣ мулоқоти судбахш анҷом дод.

Аз ҳамкории бисёрсола ва босамари Тоҷикистону Бонки исломии рушд ҳарду ҷониб изҳори қаноат карданд.

Чунонки ёдоварӣ шуд, аз ҷониби ин бонк ба маблағи наздики 325 миллион доллари амрикоӣ ба Тоҷикистон  қарзҳои имтиёзнок ва кумаки техникӣ пешниҳод шудааст, ки барои татбиқи лоиҳаҳои муҳим дар бахшҳои гуногуни иқтисодию иҷтимоӣ равона шудаанд.

Ҳоло маблағи умумии лоиҳаҳои фаъол, ки бахшҳои энергетика, нақлиёт, обтаъминкунӣ ва тандурустию маорифро фаро мегиранд,  зиёда аз 190 миллион доллари амрикоиро ташкил медиҳад.

Ба иқдоми Бонки исломии рушд доир ба ҷудо намудани 70 млн. доллари амрикоӣ барои иштирок дар татбиқи лоиҳаи CASA-1000 баҳои баланд дода шуд.

Барои иштирок дар маблағгузории навсозии қитъаи Шоҳон-Зиғари роҳи мошингарди Кӯлоб-Қалъаи Хумб ва дигар лоиҳаҳои басо муҳим низ арзи сипос карда шуд.

Дар посух ба ниёзмандиҳои Тоҷикистон Аҳмад Муҳаммад Алӣ изҳор дошт, ки дар наздиктарин фурсатҳо гурӯҳи кории Бонки исломии рушдро ба Тоҷикистон мефиристад, то ки бо оқибатҳои заминларзаи шадид дар Бадахшон ва дигар офатҳои табиӣ ва ҳамчунин бо лоиҳаи навсозии қитъаҳои Кӯлоб-Шӯрообод ва Шкев- Қалъаи Хумби роҳи мошингарди Кӯлоб-Дарвоз аз наздик шинос шуда, барои расондани кумакҳои фаврӣ ва маблағгузории навсозии роҳи мазкур тадбирҳо андешида шаванд.

Зимни гуфтугӯйи судманд ҳарду ҷониб ба густариши ҳамкории гуногунҷанба ҳавасмандии худро таъкид доштанд.

Январь 4, 2016 17:44

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин мулоқоти корӣ анҷом доданд
Президенти Ҷумҳурии Тоҷикистон Эмомалӣ Раҳмон дар ҷаласаи Шурои амнияти дастҷамъии СААД иштирок намуданд
Президенти Ҷумҳурии Тоҷикистон Эмомалӣ Раҳмон бо сафари корӣ вориди шаҳри Москваи Федератсияи Русия шуданд
Сафари кории Президенти Ҷумҳурии Тоҷикистон Эмомалӣ Раҳмон ба Федератсияи Русия
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори Рӯзи милитсияи тоҷик
Президенти Ҷумҳурии Тоҷикистон Эмомалӣ Раҳмон дар ҷамъомади тантанавӣ ба ифтихори Рӯзи милитсияи тоҷик иштирок намуданд
Сарвари давлат Эмомалӣ Раҳмон 7 иншооти Вазорати корҳои дохилиро дар шаҳру ноҳияҳои гуногун ба таври фосилавӣ ифтитоҳ намуданд
Пешвои миллат Эмомалӣ Раҳмон дар шаҳри Душанбе бинои Муассисаи давлатии таълимии Литсейи «Дурахшандагон»-и Вазорати корҳои дохилии Ҷумҳурии Тоҷикистонро ифтитоҳ намуданд
Президенти Ҷумҳурии Тоҷикистон Эмомалӣ Раҳмон Комиссари Иттиҳоди Аврупо оид ба шарикии байналмилалӣ Йозеф Сикеларо ба ҳузур пазируфтанд