Вокунишҳои мухталиф ба қатли маҳкумшудагон

Душанбе, 03.01. 2016 (АМИТ «Ховар»). – Вобаста ба қатли 47 нафар маҳкумшудагон, ки мувофиқи иттилои расмии Арабистони Саъудӣ рӯзи 2-юми январи соли нав ҳукми қатли онҳо амалӣ гардид, мақомоти расмӣ, намояндагону сарони ҳукуматҳои кишварҳои минтақа, инчунин сиёсатмадорону коршиносон вокуниши мухталиф нишон доданд. Аз ҷумла Федерика Могерини — намояндаи идораи сиёсати хориҷии Иттиҳоди Аврупо гуфтааст: «Ҳодисаи мазкур метавонад ихтилофи диниро, ки аллакай ба минтақа зарари бениҳоят калон ва оқибатҳои ногуворро ворид кардааст, боз ҳам тезутунд гардонад». Ҳамчунин Ҳайдар ал-Абадӣ – сарвазири Ироқ изҳор кард, ки «Нақзи ҳуқуқи инсон барои бехатарӣ, субот ва ташаккулёбии ҷомеа дар минтақа ба оқибатҳои ногувор оварда мерасонад».