Ворид гардидани зиёда аз 300 ҳазор тонна гази моеъ аз ҳисоби тоҷирони ватанӣ

Душанбе, 27.01.2016 (АМИТ «Ховар»). — “Дар соли 2015 истихроҷи нафт 24,6 ҳазор тонна ва истихроҷи газ 4,1 млн. метри кубиро ташкил намуд ва аз ҷониби ширкатҳои “БОК”, “Сомон Ойл” ва “Эдго-энерҷӣ” корҳои омўзиши геологӣ-сейсмоиктишофӣ гузаронида шуданд”,-гуфт имрӯз зимни нишасти матбуотӣ вазири энергетика ва захираҳои оби ҶТ Усмонзода Усмоналӣ.

Ӯ ҳамчунин илова намуд, ки аз ҳисоби тоҷирони ватанӣ 336 ҳазору 182 тонна гази моеъ ба ҷумҳурӣ ворид гардида, дар 1010 нуқта фурӯхта шуд, ки ин нисбат ба соли 2014 57 ҳазору 115 тонна зиёд мебошад.