600 фиттаи таблиғкунандаи фаҳшу зӯроварӣ барчида шуд

Душанбе. 18.02.2015. (АМИТ «Ховар»).-Кормандони шуъбаи иттилоотию таҳлилии дастгоҳи раиси вилояти Суғд бо намояндагони КФД «Тоҷиккино» дар шаҳри Конибодом санҷиши муштарак гузарониданд ва аз дӯконҳои фиттафурӯшии шаҳри Конибодом 600 фиттаи пастсифат ва таблиғкунандаи фаҳшу зӯроварӣ бо тартиб додани санадҳои зарурӣ барчида шуданд.
Би иттилои Зубайр Исҳоқӣ, роҳбари КФД «Тоҷиккино» ба соҳибони дӯконҳои «Фирдавс», «Навои Канд», «Кандмедиа» ва дигарон тавсия дода шуд, ки барои риояи қонунҳои мавҷуда, аз ҷумла қонунҳои вобаста ба ҳуқуқҳои муаллифӣ тадбирҳои зарурӣ андешанд.