78 иштирокдори муҳорибаҳо аз хориҷи кишвар ба Ватан баргардонида шуданд

Душанбе, 8.02.2016.(АМИТ «Ховар»).- «Дар натиҷаи бурдани корҳои тарғиботию ташвиқотӣ ва чорабиниҳои фаврӣ 78 иштирокдори муҳорибаҳо дар кишварҳои хориҷӣ ва шахсони барои иштирок дар онҳо сафарбаршуда, инчунин 42 узви оилаҳои онҳо, ҷамъ 120 нафар аз хориҷи кишвар ба Ватан баргардонида шуданд». Ин нуктаро роҳбарияти мақомоти прокуратура зимни нишасти матбуотӣ, ки имрӯз баргузор гардид, таъкид намуд.
Ба маълумоти прокуратураи генералӣ соли 2015 доир ба риояи қонунгузорӣ дар бораи андоз ва гумрук 421 санҷиш гузаронида, 111 парвандаи ҷиноятӣ оғоз ва 5056 санади эътиноии прокурорӣ татбиқ карда шуда, 2 610 нафар ба ҷавобгарии интизомию маъмурӣ ҷалб ва 185 млн. сомонӣ қарзҳои андоз ва пардохтҳои гумрукӣ ба буҷет ворид шуданд.