А. Мавлонов: Ислом дини ҷангҷӯй ва хунхор набуда, балки дини раҳмат аст

Душанбе, 27.02.2016 (АМИТ «Ховар»).- «Баргузории конфронси «Мақоми Имом Абӯмансури Мотуридӣ дар таҳкими мазҳаби ҳанафӣ» барои огоҳ намудан ҷавонон саҳми бузург дорад, зеро дини мубини ислом дини ҷангҷӯй ва хунхор набуда, балки дини раҳмат, меҳру муҳаббат аст ва динест, ки дастгирии ятимону барҷомондагонро тарғиб менамояд», — гуфт Абдураҳмон Мавлонов, сармутахассиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон.
Ҳамзамон номбурда иброз дошт, вақте ҳар нафаре огоҳ мешавад, ки дини мо дини некиву накӯкорист, ҳатман аз равияҳои гуногуни ба ном исломӣ барканда мешавад.