Ҷаласаи фаврӣ-хизматӣ дар назди вазири корҳои дохилӣ

Душанбе, 11.02.2016 (АМИТ «Ховар»). — Дар назди вазири корҳои дохилӣ Рамазон Раҳимзода ҷаласаи фаврӣ-хизматӣ бо иштироки роҳбарияти сарраёсат, раёсат ва дигар ҷузъу томҳои дахлдори мақомоти корҳои дохилӣ баргузор гардид.
Дар ҷаласаи васеи фаврӣ-хизматӣ масъалаҳои мавриди иҷро қарор додани дастуру супоришҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баррасӣ шуданд.
Дар ҷаласа мавзӯ]ҳои таҳкими мубориза бо ҷинояткорӣ, хусусан ҷиноятҳои созмонёфтаи фаромиллӣ, терроризму ифротгароӣ, гардиши ғайриқонунии маводи мухаддир, пешгирӣ аз амалҳои коррупсионӣ, ҷиноятҳои иқтисодӣ, ҳифзи тартиботи ҷамъиятӣ ва амнияти шаҳрвандон мавриди баррасӣ қарор гирифтанд.
Ҳамчунин дар ҷаласа зикр гардид, ки дар робита ба таҳким бахшидани мубориза бо ҷинояткорӣ бояд ҳамкорӣ бо аҳолӣ ва ҷомеаи шаҳрвандӣ доир ба пешгирӣ аз хатари ифротгароӣ ва гумроҳсозии наврасону ҷавонони ноогоҳ боз ҳам зичтар ба роҳ монда шавад.