Ализода: «Стратегияи нави ВҲИ тасдиқ шуд»

Душанбе, 08.02.2016.(АМИТ “Ховар”).- “Стратегияи нави мақомоти Ваколатдор оид ба ҳуқуқи инсон барои солҳои 2016-2020 таҳия ва тасдиқ гардид”,-гуфт дар ҷамъи хабарнигорон 8 феврал Зариф Ализода, Ваколатдор оид ба ҳуқуқи инсон дар Ҷумҳурии Тоҷикистон.
Зариф Ализода зикр кард, ки самтҳои стратегияи нав ба таҳкими иқтидори дастгоҳи Ваколатдор оид ба ҳуқуқи инсон, мусоидат дар пешбурди ҳуқуқ ба озодӣ аз шиканҷа, мусоидат ба риояи ҳуқуқи дастрасӣ ба иттилоот, ҳимояи ҳуқуқҳои муҳоҷирони меҳнатӣ ва аъзои оилаи онҳо, ҳимояи ҳуқуқии шахсони дорои имкониятҳои маҳдуд, дастрасӣ ба таҳсил, мусоидат дар баланд бардоштани маърифати аҳолӣ дар бахши ҳуқуқи инсон, баробарии гендерӣ ва ғайра нигаронида шудааст.