Ҷашни 19- солагии Ваҳдати миллӣ дар Бадахшон доир мегардад

Хоруғ, 04.02.2016. (АМИТ «Ховар»). -Сокинони ВМКБ ба ифтихори ҷашни Ваҳдати миллӣ, ки имсол он дар Бадахшон доир мегардад, омодагии пурра дида истодаанд.
Гурӯҳи кории Ҳукумати Ҷумҳурии Тоҷикистон, ки имрӯзҳо дар вилоят фаъолият дорад, бобати амалӣ намудани нақшаи чорабиниҳо бахшида ба ид бо фаъолони ҷомеа мулоқот доир намуд. Сокинони маркази вилоят изҳор доштанд, ки дар рӯзи таҷлили 19-умин солгарди Ваҳдати миллӣ барои давлатҳое, ки фазои онҳоро ҷангу хунрезӣ фаро гирифтааст, муроҷиатнома ирсол хоҳанд кард, ки он бо шиори «Ваҳдати тоҷикон ибратомӯз аст» оғоз мешавад.