Беш аз 12 ҳазор объект хусусӣ гардонида шуд

Душанбе, 01.02.2016. (АМИТ «Ховар»).- Мувофиқи маълумоти Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар соли 2015-ум дар ҷумҳурӣ 201 иншооти ғайриманқул ва аз аввали хусусигардонӣ (соли 1991) то ҳоло 12 ҳазору 777иншоот хусусӣ гардонида шудаанд.
Дар сохтори соҳавии хусусигардонии амволи давлатӣ ҳиссаи соҳаи савдо ва хўроки умумӣ аз аввали хусусигардонӣ 21,1 фоиз; ҳиссаи соҳаи саноат ва энергетика дар соли 2015-ум 3,0 фоиз ва аз аввали хусусигардонӣ 4,5 фоиз; мутобиқан кишоварзӣ — 50,2 фоиз ва 24,3 фоиз; сохтмон (бо назардошти сохтмони нотамом) — 2,0 фоиз ва аз аввали хусусигардонӣ 5,8 фоиз; нақлиёт ва алоқа — 4,0 фоиз ва 4,0 фоиз; хизматрасонии маишӣ — 12,9 фоиз ва 19,3 фоиз; дигар соҳаҳои иқтисодиёт — 27,9 фоиз ва 21,0 фоизро ташкил медиҳад.
Ҳиссаи минтақаҳо дар хусусигардонии объектҳои хусусӣ гардонидашуда дар соли 2015 чунин аст: шаҳри Душанбе — 10,4 фоиз (аз аввали хусусигардонӣ 16,7 фоиз), вилояти Суғд — 53,2 фоиз (29,2 фоиз), вилояти Хатлон — 17,4 фоиз (31,5 фоиз), Вилояти Мухтори Кўҳистони Бадахшон — 2,6 фоиз (2,5 фоиз) ва ноҳияҳои тобеи ҷумҳурӣ — 16,4 фоиз (20,1 фоиз).