Бунёди коргоҳи рангуборкунии риштаҳои пахтагин дар Ёвон

Душанбе, 15.02.2016. (АМИТ «Ховар»).-Сохтмон ва таҷҳизонидани коргоҳи истеҳсолии рангуборкунии риштаҳои пахтагини ҶММ «Ваҳдат»-и ноҳияи Ёвон дар арафаи анҷомёбист.
Бобохуҷа Мирзоев, раиси ширкати мазкур гуфт, ки дар сурати пурра ба кор даромадани коргоҳ он дар як шабонарӯз 6 тонна риштаро ранг мезанад ва барои пурра кор кардани он дар соли 2016 50 нафар ба кори доимӣ қабул хоҳанд шуд.
Ба гуфтаи Б. Мирзоев 5 сол аст, ки 3 мутахассис аз Ҷумҳурии Мардумии Чин барои омӯзонидани ҷавонони тоҷик дар ин коргоҳ кор мекунанд ва мушкилоти асосӣ барои таъсис додани чунин корхонаҳо, ки бо таҷҳизоти нави электронӣ бояд фаъолият намоянд, нарасидани кадрҳои баландихтисос мебошад.