Чин барои гурезагони Сурия 10 ҳазор тонна маводи озуқа ҷудо мекунад

Душанбе, 05.02.2016. (АМИТ «Ховар»).- Дар ин бора рӯзи ҷумъа вазири корҳои хориҷии Ҷумҳурии Мардумии Чин Ван И дар ҳамоиши кишварҳои мададрасони Сурия иброз дошт.
«Ҳалли мушкилоти башардӯстона дар Сурия на танҳо расонидани кумаки таъҷилӣ, балки зарурати бартарафсозии омилҳои асосии онҳоро дар бар мегирад»,- гуфт вазир.

Ба гуфтаи ӯ «ҷонибҳои мухталифи Сурияро зарур аст, ки қатъномаи СММ-ро иҷро карда, дастрасии кумаки башардӯстонаро ба эҳтиёҷмандон таъмин намоянд.

Ван И ҳамчунин зикр кард, ки: «ҷомеаи ҷаҳониро зарур аст ҳалли сиёсии низои Сурияро тақвият бахшад».

«Барқарорсозии музокироти сулҳомез қисми калидии раванди сиёсӣ дар Сурия мебошад»,- иброз дошт ӯ.