Дар Душанбе шуъбаи махсуси АНМН кушода шуд
Душанбе, 09.02.2016 (АМИТ «Ховар»).-9 феврали соли 2016 дар шаҳри Душанбе маросими ифтитоҳи шуъбаи махсуси Раёсати фаврӣ-ҷустуҷӯии Агентии назорати маводи нашъаовари назди Президенти ҶТ баргузор гардид, ки дар он директори агентӣ Салимзода Шерхон Одина, Сафири навтаъйини ИМА дар ҶТ Элизабет И. Миллард, Сафири Федератсияи Русия дар Тоҷикистон Игор Лякин-Фролов, намояндагони Дафтари Раёсати СММ оид ба маводи нашъаовар ва ҷинояткорӣ дар Тоҷикистон, роҳбарони мақомоти ҳифзи ҳуқуқ ва сохторҳои қудратии ҶТ, намояндагони сафоратхонаҳои муқими Тоҷикистон ва идораҳои зиддимухаддиротӣ ширкат варзиданд.
Бинои нави шуъбаи махсуси Раёсати фаврӣ-ҷустуҷӯии агентӣ бо дастгирии молиявии ИМА дар асоси созишномаҳои дуҷониба байни Ҳукумати Ҷумҳурии Тоҷикистон ва Ҳукумати Иёлоти Муттаҳидаи Амрико дар соҳаи назорати маводи нашъаовар ва ҳамкорӣ дар соҳаи дастгирии мақомоти ҳифзи ҳуқуқ ба истифода дода шуд.
Меҳмонон бинои нави дуошёнаи шуъбаи махсуси Раёсати фаврӣ-ҷустуҷӯии агентиро аз назар гузарониданд, ки он бо техникаи ҳозиразамон ва техникаи махсус таҷҳизонида шуда, дорои утоқҳои корӣ, утоқҳои махсуси муҷаҳҳази таъйиноти ихтисосӣ, толорҳои маҷлисгузаронӣ ва утоқҳои маишӣ-хизматрасонӣ мебошад.
Инчунин дар доираи ин лоиҳа ба агентӣ 5 мошини сабукрави хизматӣ дода шудааст.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
